صوت الدعاة – أفضل موقع عربي في خطبة الجمعة والأخبار المهمة جريدة متنوعة تقدم الأخبار الحصرية الأولي في العالم العربي في خطبة الجمعة القادمة للأوقاف حصرياً مميزة وخطب ، الأخبار لحظة بلحظة، متميزة في أخبار الأوقاف الأزهر، أسعار الذهب الدولار العملات التعليم والاخبار المصرية
طريقة حساب فاتورة استهلاك الكهرباء المنزلية بالكيلو وات ساعة قبل سدادها، وفيما يلى طريقة حساب فاتورة الاستهلاك:
1- لو استهلكت 350 ك.و.س هتدفع 136.5 جنيه، ولو استهلكت 700 ك.و.س (اللى هى ضعف الـ350)، هتدفع 424 جنيه مش 273 جنيه (اللى هى ضعف الـ136.5) ، و ذلك نتيجة وجود فى شرائح للاستهلاك، كل شريحة لها حد أقصى لـ ك.و.س، ولو استهلاكك زاد ك.و.س واحد، هتتحاسب بالسعر بتاع الشريحة الأعلى للـ ك.و.س الزيادة كالآتي :
– الشريحة الأولى من 0 إلى 50 ك.و.س بـ13 قرش، لو استهلكت الـ50 كلهم، هتدفع 6.5 جنيه (50*0.16)
– الشريحة الثانية لحد 100 ك.و.س ب22 قرش، لو استهلكت 100 ك.و.س، هتدفع 17.50 جنيه. أول 50 ك.و.س بـ6.5 جنيه والـ50 ك.و.س الباقيين ال ك.و.س الواحد بـ22 قرش يعنى بـ11 جنيه اجمالى الفاتورة هيبقى 17.50 جنيه (6.5+11)
– أعلى حاجة للشريحة الثالثة هى 200 ك.و.س والـ ك.و.س فى الشريحة دى بـ27 قرش، تمام؟ يبقى لو استهلكت 200 ك.و.س هتدفع 54 جنيه (200*0.27)
– الشريحة الرابعة لحد 350 ك.و.س والـ ك.و.س فى الشريحة دى بـ55 قرش. فـ لو إنت استهلكت 350 ك.و.س هتدفع أول 200 اللى هم 54 جنيه الـ150 الباقيين هتتحاسب عليهم الـ ك.و.س بـ0.55 قرش الواحد يعنى 82.5 جنيه (150*0.55). فـ فاتورة الكهربا كلها هتبقى 136.5 جنيه (54+82.5)
– الشريحة الخامسة لحد 650 ك.و.س والـ ك.و.س بـ75 قرش فـ كده أول 350 ك.و.س بـ136.5 جنيه والـ300 الباقيين هيتحسبوا بـ225 جنيه. فـ اجمالى الفاتورة هيكون 361.5 جنيه (136.5+225)
– الشريحة اللى بعد كده لحد 1,000 ك.و/س بـ125 قرش للـ ك.و.س اجمالى فاتورة الكهربا هيكون 799 جنيه ((361.5+(350*1.25))
– من بعد ما تعدى ال1,000 ك.و.س ..الدعم بيتشال وهتتحاسب بـ1.35 قرش للـ ك.و.س الواحد من الأول يعنى لو استهلكت 1,001 ك.و.س فاتورتك هتكون بـ1,351.35 جنيه.
